• македонски јазик
  • English

ЛОКАЦИЈА

Антон Попов бр.5, 1000 Скопје, Р.Македонија

+389 2 321 27 00

Контактирајте нѐ

ПРОФИЛ НА ВЕЛЕДРОГЕРИЈАТА

профил на веледрогеријата

Веледрогеријата ЕУРО-ФАРМ е модерна, иновативна, препознатлива, лојална, општествено-одговорна компанија од фармацевтската индустрија, којашто следејќи ги својата визија, развојната стратегија, професионалните вредности, уникатната бренд-политика, потребите на клиентите, барањата на соработниците, пазарните текови и бизнис климата, секојдневно се надградува и усовршува како сигурен, проверен и потврден партнер во трговијата на големо со фармацевтски производи во Република Македонија и регионот. Водена од стремежот да остави белег на македонскиот фармацевтски пазар веледрогеријата посветено работи на спроведување на иновативни, рентабилни и одржливи практики, јакнејќи ја притоа својата позиција и бизнис перформанси.

Нејзиниот развоен пат започнува на 9 декември 2002 година во Скопје со материјализирање на полетниот ентузијазам, продуктивното визионерство, зацртаните цели, посветеноста, истрајноста и знаењето на Татјана Стерјева, дипломиран фармацевт и магистер по менаџмент на човечки ресурси, и нејзиниот тим, како продолжение на успешната приказна којашто започна две години претходно со отворањето на првата од ланецот аптеки со потписот на овој бренд. Развојот на ЕУРО-ФАРМ се одвиваше етапно согласно тековите и трендови во фармацевтската индустрија, потребите и барањата на клиентите, но и можностите и плановите на компанијата за постојан и долгорочен раст и напредок, прилагодувајќи се притоа на современите пазарни предизвици, модерните организациски тенденции и потрошувачки ориентираната стратегија. Оттука, постојаната заложба за развој на стабилна пазарна позиција и освојување на нови пазари, проследена со зголемување на конкурентноста, ефективноста и ефикасноста на компанија беше главен поттик за спроведување на неколку ISO стандарди за квалитет и професионално управување.

Континуирано инвестирајќи во модернизација и унапредување на своите капацитети, имплементирање на нови професионални, безбедносни и стандарди за квалитет, едукација на професионалниот кадар и промоција и приближување на светските новитети и практики на пазарот во земјава и регионот, веледрогеријата посветено гради професионални односи и партнерства со реномирани светски и домашни фармацевтски, медицински и козметички брендови. Следејќи го предизвикот секоја година на македонскиот фармацевтски пазар да пласира нови и квалитетни производи, но и да ги надградува постојните производни линии со новитетите на светските производители на лекови, додатоци во исхраната, дијагностичка опрема, медицински потрошен материјал, козметички препарати и декоративна козметика, веледрогеријата ЕУРО-ФАРМ е ексклузивен застапник на 20 докажани фармацевтски брендови, увозник и дистрибутер за производите на Sanofi и Nobel Ilac, како и дистрибутер и маркетинг застапник на реномираниот швајцарски производител Roche за територијата на Република Македонија.

Согласно потребите на пазарот, барањата на клиентите и настојувањата на пациентите веледрогеријата ЕУРО-ФАРМ со отворање на специјализирани продавници за ортопедски помагала и медицински препарати го продолжува и проширува своето успешно делување.

Раѓањето на Aqua Massage, првиот специјализиран ексклузивен салон за аква масажа во земјава, во којшто се обвистинува сонот за совршена масажа, значи реализирање на посветеноста и истрајноста светскиот квалитет да се преточи во македонска реалност.

Грижата за животната средина, квалитетот на живот, образованието, културните и спортски достигнувања, ја издвојуваат веледрогеријата ЕУРО-ФАРМ како општествено-одговорена компанија којашто покрај за своите цели и барањата на клиентите и соработниците, препознавајќи ги потребите на заедницата, работи на промоција на позитивни вредности во општеството.

Потврда за успешното опстојување на веледрогеријата е нејзиното долгогодишно рангирање на листата на топ 200 најголеми и најуспешни компании во Република Македонија, врз основа на својата профитабилност, зголемена ликвидност, позиција на пазарот, внатрешна организација и други економски фактори.

Работејќи под мотото „Ние постоиме за да се грижиме за Вашето здравје“ веледрогеријата ЕУРО-ФАРМ како посветена, одговорна и сигурна компанија преку постојано вложување, развој и квалитетни производи и услуги, почитувајќи ја традицијата гради нови вредности како проверен и доверлив партнер на своите клиенти и соработници.  

Економски раст

Во изминатите 7 години веледрогеријата ЕУРО-ФАРМ бележи континуиран просечен економски раст од 20 проценти.

Застапништва

Веледрогеријата ЕУРО-ФАРМ е ексклузивен застапник и увозник на 20 реномирани светски фармацевтски, медицински и козметички брендови.

Дел од „200 Најголеми и Најуспешни“

На листата на топ 200 најголеми и најуспешни компании во Република Македонија веледрогеријата е рангирана на 81, односно 145 место.

Пријател на заедницата

Продолжувајќи ја долгогодишната традиција на вложување во општеството веледрогеријата е спонзор, покровител и партнер на бројни спортски, културни и научни настани и манифестации.

error: Content is protected !!